തട്ടത്തുമല മറവക്കുഴി എം.ആർ.എ മന്ദിരം ഉദ്ഘാടനം
തട്ടത്തുമല, ഏപ്രിൽ 23: തട്ടത്തുമല മറവക്കുഴി റെസിഡെൻസ്‌ അസോസിയേഷൻ (എം.ആർ.എ) സ്വന്തമയി സ്ഥലം വാങ്ങി സ്വന്തമായി നിർമ്മിച്ച ആസ്ഥാന മന്ദിരത്തിന്റെ ഉദ്ഘാടനം 2009-ഏപ്രിൽ 23-ആം തീയതി രാവിലെ 9-30-ന് എ.ഇബ്രാഹിം കുഞ്ഞ്‌ സാർ നിർവഹിച്ചു.
എം.ആർ.എ പ്രസിഡെന്റ്‌ സി.ബി. അപ്പു അദ്ധ്യക്ഷത വഹിച്ചു. എം. ആർ.എ രക്ഷാധികാരി ഭാർഗ്ഗവൻ സാർ പതാക ഉയർത്തി. എക്സി. കമ്മിറ്റീ അംഗം ഷൈലാ ഫാൻസിയും സംസാരിച്ചു. എം.ആർ,എ സെക്രട്ടറി സലിം, മറ്റ്‌ എക്സി. കമ്മിറ്റീ അംഗങ്ങൾ തുടങ്ങിയവർ സന്നിഹിതരായിരുന്നു. തുടർന്ന്‌ കുട്ടികളുടെ കലാപരിപാടികൾ നടന്നു. വൈകുന്നേരം സാംസ്കാരിക സമ്മേളനവും അവാർഡു ദാനവും മറ്റും നടന്നു. പായസ സദ്യയും ഉണ്ടായിരുന്നു.
വൈകുന്നേരം സാംസ്കാരിക സമ്മേളനം ബേബി ഹരീന്ദ്രദാസ് (ഫ്രാക്ക്) ഉദ്ഘാടനം ചെയ്തു. കിളിമാനൂർ മസൂദ്, പഴയകുന്നുമ്മേൽ ഗ്രാമ പഞ്ചായത്തു മെംബർ ജി.എൽ. അജീഷ്, കിളിമാനൂർ ഗ്രാമ പഞ്ചായത്തു മെംബർമാരായ കെ. ജി. പ്രിൻസ്, ശ്രീലത, മോഹനൻ നായർ(ഫ്രാക്ക് ), എസ്.എ.ഖലാം, എസ്. ലാബറുദീൻ, , ഗിരീശൻ (തട്ടത്തുമല സൌത്ത് റെസി. അസോസിയേഷൻ പ്രതിനിധി), കബീർ (റിപ്പോർട്ട് അവതരണം), ജി. കെ നായർ(സ്വാഗതം), പള്ളം ബാബു(ക്ര്‌തജ്ഞത), ), അബ്ദുൽ അസീസ്, മുതലായവർ സംസാരിച്ചു. രക്ഷാധികാരി ഭാർഗ്ഗവൻ സാറിനെ ചടങ്ങിൽ പൊന്നാട അണിയിച്ച്‌ ആദരിച്ചു.
തെരഞ്ഞെടുക്കപ്പെട്ട നിർദ്ധനരായ ഏതാനും എം.ആർ.എ കുടുംബാംഗങ്ങൾക്ക്‌ അരിക്കിറ്റുകൾ വിതരണം ചെയ്തു. 2007- മാർച്ച്, 2008 മാർച്ച് എന്നീ വർഷങ്ങളിലെ എസ്‌എസ്‌.എൽ.സി പരീക്ഷകളിൽ ഏറ്റവും കൂടുതൽ മാർക്കു വാങ്ങിയ എം.ആർ.എ അംഗ കുടുംബങ്ങളിലുള്ള കുട്ടികൾക്ക്‌ അവാർഡുകൾ നൽകി. കലാമത്സര വിജയികൾക്കു സമ്മാനദാനവും നടന്നു.
കൂടാതെ കഴിഞ്ഞ ഓണാഘോഷത്തോടനുബന്ധിച്ചു നടത്തിയ അത്തപ്പൂക്കള മത്സര വിജയികൾക്കുള്ള സമ്മാനങ്ങളും പ്രോത്സാഹന സമ്മാനങ്ങളും നൽകി.
ഉദ്ഘാടനത്തോടനുബന്ധിച്ചുള്ള വിവിധ നറുക്കെടുപ്പുകളും അവയ്ക്കുള്ള സമ്മാനങ്ങളും നൽകി.
ഫോട്ടോകൾ എടുത്തതു പ്രതാപൻ (ശ്രീലക്ഷ്മി സ്റ്റുഡിയോ).
കൂടുതലും പഴയകുന്നുമ്മേൽ പഞ്ചായത്തിൽ ഉൾപ്പെട്ട ഈ റെസിഡെൻഷ്യൽ മേഖല തൊട്ടു കിടക്കുന്ന കിളിമാനൂർ പഞ്ചായത്തിലോട്ടു കൂടി വ്യാപിച്ചതാണ്. കൊല്ല, ജില്ലയിലെ നിലമേൽ പഞ്ചായത്തിലെ ചില പ്രദേശങ്ങളും ഇതിനോടു ചേർന്നു കിടക്കുന്നു. എം.ആർ.എയുടെയുടെ ആസ്ഥാന മന്ദിരം നിർമ്മിച്ചിരിയ്ക്കുന്നത് മറവക്കുഴി മേൽ കൈലാസംകുന്നു താഴെയായിട്ടാണ്.
No comments:
Post a Comment