തട്ടത്തുമല നാട്ടുവർത്തമാനം

Tuesday, April 3, 2012

ഇംഗ്ലീഷ് മീഡിയം തട്ടത്തുമല ഗവ.എച്ച്.എസ്.എസിലും

  
തട്ടത്തുമല സ്കൂളീൽ ഇംഗ്ലിഷ് മീഡിയം ആരംഭിക്കുന്നു

തട്ടത്തുമല, 2012 ഏപ്രിൽ 3: ഈ 2012- 13 അദ്ധ്യയന വർഷം മുതൽ തട്ടത്തുമല ഗവ. എച്ച്.എസ്.എസിൽ ഇംഗ്ലീഷ് മീഡിയം (സ്റ്റേറ്റ് സിലബസ്) ആരംഭിക്കുകയാണ്. അഞ്ചാം സ്റ്റാൻഡാർഡിലും എട്ടാം സ്റ്റാൻഡാർഡിലുമാണ് ഇപ്പോൾ ഇംഗ്ലീഷ് മീഡിയം ഡിവിഷനുകൾ ആരംഭിക്കുന്നത്. സമീപ പ്രദേശത്തെ മിക്ക സർക്കാർ-എയ്ഡഡ് സ്കൂളുകളിലും മുമ്പേതന്നെ ഇംഗ്ലിഷ് മീഡിയം ക്ലാസ്സുകൾ തുടങ്ങിയിരുന്നെങ്കിലും തട്ടത്തുമല സ്കൂളിൽ ഇപ്പോൾ മാത്രമാണ് ഇത് ആരംഭിക്കുവാനായത്.  ഇംഗ്ലീഷ് മീഡിയം പഠിക്കാൻ ആഗ്രഹിക്കുന്ന തട്ടത്തുമല പ്രദേശത്തെ കുട്ടികൾ  ഇതുവരെ മറ്റ് പ്രദേശങ്ങളിലെ സർക്കാർ -എയ്ഡഡ്-അൺ എയ്ഡഡ് മേഖലയിലെ പല സ്കൂളുകളിലേയ്ക്കായി  ചിന്നിച്ചിതറി പോകുകയായിരുന്നു. ഇതിന് ഭാവിയിൽ  ഇനി ഒരറുതി വരും എന്നു പ്രതീക്ഷിക്കാം. തട്ടത്തുമല സ്കൂളീൽ ഇംഗ്ലീഷ് മീഡിയം ഓപ്ഷനില്ലെന്നു പറഞ്ഞാണ് പ്രദേശത്തെ   പല രക്ഷകർത്താക്കളും  കുട്ടികളെ മറ്റ് പല സ്കൂളൂകളിലും ചേർത്തുകൊണ്ടിരുന്നത്. ഇത് തട്ടത്തുമല സ്കൂളീലെ വിദ്യാർത്ഥികളുടെ എണ്ണത്തിൽ ഗണ്യമായ  കുറവുവരുത്തിയിരുന്നു. ഇംഗ്ലീഷ് മീഡിയം തട്ടത്തുമലയിലും തുടങ്ങുവാനുള്ള തീരുമാനത്തെ നാട്ടുകാരും രക്ഷകർത്താക്കളും കുട്ടികളും  പരക്കെ സ്വാഗതം ചെയ്തിട്ടുണ്ട്.

No comments: