Friday, July 27, 2012

കുരീപ്പുഴയെത്തി; കുട്ടികൾ ഉഷാറായി!


കുരീപ്പുഴയെത്തി; കുട്ടികൾ ഉഷാറായി!

2012 ജൂലായ് 26: തട്ടത്തുമല ഗവ. എച്ച്.എസ്.എസിൽ കവി കുരീപ്പുഴ ശ്രീകുമാറെത്തി. ഹൈസ്കൂൾ ക്ലാസ്സുകളിലെ കുട്ടികൾ പങ്കെടുത്ത ഒരു അനുമോദന സമ്മേളനത്തിനാണ് അദ്ദേഹം എത്തിയത്. പാട്ടും പറച്ചിലുമായി ഒരു മണിക്കൂറോളം കുരീപ്പുഴ കുട്ടികൾക്ക് അറിവും സന്തോഷവും നൽകി. സ്കൂൾ വികസന സമിതി സ്പോൺസർ ചെയ്തതായിരുന്നു പരിപാടി. ലളീതമെങ്കിലും പ്രിയ കവിയുടെ സാന്നിദ്ധ്യം കൊണ്ട് പരിപാടീ പ്രൌഢ ഗംഭീരമായി. കൊട്ടിയും പാടിയുമാണ് കുട്ടികൾ കവിയെ വരവേറ്റത്.  കൈകൊട്ടും   നാടൻ പാട്ടുകളുടെ കൂട്ട ആലാപനവുമായി  കുട്ടികൾ അവരുടെ ഈ ഇഷ്ട കവിയെ കാത്തിരിക്കുകയായിരുന്നു. കുരീപ്പുഴ മൈക്കിനു മുന്നിൽ എത്തുമ്പോൾ തന്നെ  ഇഷ്ടകവിതകൾ  കവിയെക്കൊണ്ട് ചൊല്ലിക്കുവാൻ  കുട്ടികൾ മത്സരിച്ച് ആവശ്യപ്പെടുന്നുണ്ടായിരുന്നു. തങ്ങൾക്ക് മലയാളപാഠപുസ്തകത്തിൽ  പഠിക്കാനുള്ള കവിതയെഴുതിയ കവിയെ നേരിട്ട് കണ്ടതിന്റെ കൌതുകം കൂടിയായപ്പോൾ കുട്ടികൾ ആവേശഭരിതരാകുകയായിരുന്നു. കുട്ടികൾപ്പൊപ്പം കുരീപ്പുഴയുടെ സർഗ്ഗ സല്ലാപത്തിന്റെ കൂടി നിമിഷങ്ങളായിരുന്നു സദസ്സ് അനുഭവിച്ചറിഞ്ഞത്.

ബാലസംഘം  തിരുവനന്തപുരം  ജില്ലാതലത്തിൽ സംഘടിപ്പിച്ച പ്രൊ. എ.സുധാകരൻ സ്മാരക  കഥാരചനാ മത്സരത്തിൽ ഒന്നാം സ്ഥാനം നേടിയ തട്ടത്തുമല ഗവ.എച്ച്.എസ്. എസിലെ എട്ടാം ക്ലാസ്സ് വിദ്യാർത്ഥിനി സുതിനാ സുഗതനെയും,  ഡോക്ടറേറ്റ് നേടിയ ഈ സ്കൂളിലെ പൂർവ്വ വിദ്യാർത്ഥിനി ബി.എൽ.വിനുവിനെയും അനുമോദിക്കുന്നതിന്  തട്ടത്തുമല സ്കൂൾ വികസന സമിതിയുടെ ആഭിമുഖ്യത്തിൽ   2012 ജൂലൈ 26- വ്യാഴാഴ്ച ഉച്ചയ്ക്ക് ശേഷം 3 മണിയ്ക്ക് തട്ടത്തുമല ഗവ.എച്ച്.എസ്.എസിൽ വച്ച്  അനുമോദന സമ്മേളനം നടന്നു.  ഈ അനുമോദന സമ്മേളനത്തിൽ  വിശിഷ്ടാതിഥിയായി വന്നതാണ് കുരീപ്പുഴ ശ്രീകുമാർ. കഥാരചനയ്ക്ക് സമ്മാനം നേടിയ സുതിനയ്ക്ക് സ്കൂൾ വികസന സമിതി വാങ്ങി നൽകിയ ബഷീർ കൃതികൾ അടങ്ങുന്ന പുസ്തകക്കെട്ടും,  ഡോ.വിനുവിന് സ്കൂൾവക ഷീൽഡും കുരീപ്പുഴ ശ്രീകുമാർ നൽകി.

Tuesday, July 17, 2012

കെ.മുരളീധരന്‍ ഇന്ന് തട്ടത്തുമലയില്‍ പ്രസംഗിച്ചു



കെ.മുരളീധരന്‍ ഇന്ന് തട്ടത്തുമലയില്‍ പ്രസംഗിച്ചു

തട്ടത്തുമല, 2012 ജൂലായ് 17: കോൺഗ്രസ്സ് നേതാവ് കെ.മുരളീധരൻ ഇന്ന് വൈകുന്നേരം തട്ടത്തുമല ജംഗ്ഷനിൽ സംസാരിച്ചു.  ലീഡർ സാംസ്കാരിക വേദിയുടെ  ഉദ്ഘാടനത്തിനാണ് അദ്ദേഹം തട്ടത്തുമലയിൽ  എത്തിയത്. അന്തരിച്ച മുൻ‌ മുഖ്യമന്ത്രി  ലീഡർ   കെ. കരുണാകരന്റെയും അദ്ദേഹത്തിന്റെ പുത്രനും മുൻ കെ.പി.സി.സി പ്രസിഡന്റും ഇപ്പോൾ എം.എൽ.എയുമായ  കെ. മുരളീധരന്റെയും ആരാധകർ ചേർന്ന്  തട്ടത്തുമലയിൽ രൂപീകരിച്ചതാണ്  ലീഡർ സാംസ്കാരികവേദി. വൈകുന്നേരം തട്ടത്തുമല ജംഗ്ഷനിൽ നടന്ന പൊതുസമ്മേളനത്തിൽ വച്ച് കെ.മുരളീധരൻ ലീഡർ സാംസ്കാരിക വേദിയുടെ ഔപചാരികമായ  ഉദ്ഘാടനം നിർവ്വഹിച്ചു. കോൺഗ്രസിന്റെ വിവിധ പ്രാദേശിക നേതാക്കളും യോഗത്തിൽ സംബന്ധിച്ചു.  തിരുവനന്തപുരം ജില്ലാ പഞ്ചായത്ത് പ്രസിഡന്റ് രമണി പി.നായർ, കൺസ്യൂമർ ഫെഡ് സംസ്ഥാന വൈസ് ചെയർമാൻ എൻ, സുദർശനൻ, തിരുവനന്തപുരം ഡി.സി.സി വൈസ് പ്രസിഡന്റ് നഗരൂർ ഇബ്രാഹിം കുട്ടി,  മരിയാപുരം ശ്രീകുമാർ,  എ.ഷിഹാബുദീൻ, യൂത്ത് കോൺഗ്രാസ്സ് നേതാവ്  അഡ്വ. നഗരൂർ  ഷിഹാബുദീൻ , എൻ.നളിനൻ, വാർഡ് മെംബർ അംബികാ കുമാരി, എം.റഫീക്ക്, രാജേഷ് ,  അൻസാർ തുടങ്ങിയവർ സംസാരിച്ചു. തട്ടത്തുമല ബഷീർ അദ്ധ്യക്ഷത വഹിച്ചു. എം.റഹിം സ്വാഗതവും സനൂജ്  കൃതജ്ഞതയും പറഞ്ഞു.  യോഗത്തിൽ വച്ച്  നിർദ്ധന വിദ്യാർത്ഥികൾക്ക് പഠനസഹായങ്ങൾ  വിതരണം ചെയ്തു. കഴിഞ്ഞ എസ്.എസ്,എൽ.സി , പ്ലസ് ടൂ പരീക്ഷാ വിജയികൾക്ക് സമ്മനങ്ങൾ നൽകി. കിളിമാനൂർ ക്രിക്കറ്റ് ക്ലബ്ബ കിളീമാനൂരിലും,  തട്ടത്തുമല ടി.പി.എൽ ക്രിക്കറ്റ് ക്ലബ്ബ് തട്ടത്തുമലയിലും  ഈയിടെ   നടത്തിയ ക്രിക്കറ്റ് മത്സരങ്ങളിൽ വിജയിച്ചവർക്കും സമ്മാനങ്ങൾ നൽകി. യോഗാനന്തരം തിരുവനന്തപുരം ടീമിന്റെ  ഗാനമേളയും ഉണ്ടായിരുന്നു. തട്ടത്തുമല ജംഗ്ഷനിൽ പാതയോരത്ത് വലിയ സ്റ്റേജ് കെട്ടിയാണ് പൊതുയോഗം നടത്തിയത്. 

കെ.മുരളീധരന്‍ ഇന്ന് തട്ടത്തുമലയില്‍


കെ.മുരളീധരന്‍ ഇന്ന് തട്ടത്തുമലയില്‍ എത്തുന്നു

തട്ടത്തുമല, 2012 ജൂലായ് 17: കോൺഗ്രസ്സ് നേതാവ് കെ.മുരളീധരൻ ഇന്ന് വൈകുന്നേരം തട്ടത്തുമല ജംഗ്ഷനിൽ സംസാരിക്കും.  ലീഡർ സാംസ്കാരിക വേദിയുടെ  ഉദ്ഘാടനത്തിനാണ് അദ്ദേഹം എത്തുന്നത്. .  അന്തരിച്ച മുൻ‌ മുഖ്യമന്ത്രി  ലീഡർ   കെ. കരുണാകരന്റെയും അദ്ദേഹത്തിന്റെ പുത്രനും മുൻ കെ.പി.സി.സി പ്രസിഡന്റും ഇപ്പോൾ എം.എൽ.എയുമായ  കെ. മുരളീധരന്റെയും ആരാധകർ തട്ടത്തുമലയിൽ രൂപീകരിച്ചതാണ്  ലീഡർ സാംസ്കാരികവേദി. വൈകുന്നേരം തട്ടത്തുമല ജംഗ്ഷനിൽ നടക്കുന്ന പൊതുസമ്മേളനത്തിൽ വച്ച് കെ.മുരളീധരൻ ലീഡർ സാംസ്കാരിക വേദിയുടെ ഔപചാരികമായ  ഉദ്ഘാടനം നിർവ്വഹിക്കും. കോൺഗ്രസിന്റെ വിവിധ പ്രാദേശിക നേതാക്കളും യോഗത്തിൽ സംബന്ധിക്കും. യോഗത്തോടനുബന്ധിച്ച് നിർദ്ധന വിദ്യാർത്ഥികൾക്ക് പഠനസഹായങ്ങൾ  വിതരണം ചെയ്യും. കഴിഞ്ഞ എസ്.എസ്,എൽ.സി , പ്ലസ് ടൂ പരീക്ഷാ വിജയികൾക്ക് സമ്മനങ്ങൾ നൽകും. കിളിമാനൂർ ക്രിക്കറ്റ് ക്ലബ്ബും,  തട്ടത്തുമല ടി.പി.എൽ ക്രിക്കറ്റ് ക്ലബ്ബും ഈയിടെ വെവ്വേറെ  നടത്തിയ ക്രിക്കറ്റ് മത്സരങ്ങളിൽ വിജയിച്ചവർക്കും സമ്മാനങ്ങൾ നൽകും. യോഗാനന്തരം തിരുവനന്തപുരം ടീമിന്റെ  ഗാനമേളയും ഉണ്ടായിരിക്കും. 

അനുമോദനം


അനുമോദനം

ബാലസംഘം  തിരുബനന്തപുരം ജില്ലാതലത്തിൽ സംഘടിപ്പിച്ച പ്രൊ. എ.സുധാകരൻ സ്മാരക  കഥാരചനാ മത്സരത്തിൽ ഒന്നാം സ്ഥാനം നേടിയ തട്ടത്തുമല ഗവ.എച്ച്.എസ്. എസിലെ എട്ടാം ക്ലാസ്സ് വിദ്യാർത്ഥിനി സുതിനാ സുഗതനെയും,  ഡോക്ടറേറ്റ് നേടിയ ഈ സ്കൂളിലെ പൂർവ്വ വിദ്യാർത്ഥിനി ബി.എൽ.വിനുവിനെയും തട്ടത്തുമല സ്കൂൾ വികസന സമിതിയുടെ ആഭിമുഖ്യത്തിൽ അനുമോദിക്കുന്നു. 2012 ജൂലൈ 26- വ്യാഴാഴ്ച ഉച്ചയ്ക്ക് ശേഷം 2 മണിയ്ക്ക് തട്ടത്തുമല ഗവ.എച്ച്.എസ്.എസിൽ വച്ച നടക്കുന്ന അനുമോദന സമ്മേളനത്തിൽ പ്രശസ്ത കവി ശ്രീ. കുരീപ്പുഴ ശ്രീകുമാർ വിശിഷ്ടാതിഥിയായിരിക്കും. പ്രസ്തുത പരിപാടിയ്ലേയ്ക്ക് ഏവരുടെയും സഹായ സഹകരണവും സാന്നിദ്ധ്യവും പ്രതീക്ഷിക്കുന്നു.

സ്നേഹപൂർവ്വം

സ്കൂൾ വികസന സമിതി, തട്ടത്തുമല


Saturday, July 14, 2012

ബ്ലോഗർക്ക് അംഗീകാരം

ബ്ലോഗർ ജെയിംസ്  സണ്ണി പാറ്റൂരിന് അഭിനന്ദനങ്ങൾ. പോസ്റ്റ് വിശ്വമാനവികം 1-ൽ വായിക്കുക

http://easajim.blogspot.in/2012/07/jaims-sunni-pattoor.html

Monday, July 2, 2012

സൌജന്യ പഠനോപകരണങ്ങൾ വിതരണം ചെയ്തു



സൌജന്യ  പഠനോപകരണങ്ങൾ വിതരണം ചെയ്തു

തട്ടത്തുമല, 2012 ജൂലൈ 2: തട്ടത്തുമല ഗവ. ഹയർ സെക്കണ്ടറി സ്കൂളിൽ (G.H.S.S Thattathumala)  നിന്നും   ന്യൂസ്റ്റാർ കോളേജിൽ പഠിക്കുന്ന  എസ്.എസി/എസ്.ടി വിഭാഗത്തിൽപ്പെട്ടവരും നിർദ്ധനരുമായ കുട്ടികൾക്ക് സൌജന്യ പഠനസാമഗ്രികൾ വിതരണം ചെയ്തു. 2012 ജൂലൈ 2 ന് രാവിലെ 8 മണിയ്ക്ക്  ന്യൂസ്റ്റാർ കോളേജിൽ നടന്ന ചടങ്ങിൽ വച്ച് എ.ഇബ്രാഹിംകുഞ്ഞ് സാർ ആണ് പഠനസാമഗ്രികളുടെ വിതരണം നിർവ്വഹിച്ചത്. യൂണിഫോം, നോട്ട് ബുക്കുകൾ, ഇൻസ്ട്രുമെന്റ് ബോക്സ് എന്നിവയുൾപ്പെടുന്ന കിറ്റുകളാണ് ഓരോ വിദ്യാർത്ഥികൾക്കും നൽകിയത്. 

ഇപ്പോൾ കാനഡയിൽ റിസർച്ച് ചെയ്യുന്ന ന്യൂസ്റ്റാർ കോളേജ് അദ്ധ്യാപകൻ സിയാദും അദ്ദേഹത്തിന്റെ കാനഡയിലുള്ള സുഹൃത്തുക്കളായ അമലാ മേരി (കാനഡ), റിയാ റാഹേൽ (ഡൽഹി), ജോമോൻ മാത്യു ( ഇസ്രായേൽ) എന്നിവരും  ചേർന്നാണ് ഈ പഠന സാമഗ്രികൾ  സ്പോൺസർ ചെയ്തത്. സാമൂഹ്യമായും സാമ്പത്തികമായും പിന്നോക്കം നിൽക്കുന്ന കുടുംബങ്ങളിൽ നിന്നുള്ള കുട്ടികൾക്ക് പഠന കര്യത്തിൽ  പ്രോത്സാഹനം നൽകുന്നതിനാണ്  സിയാദും കൂ‍ട്ടുകാരും ഈ സഹായം ഏർപ്പെടുത്തിയത്. 

ന്യൂസ്റ്റാർ കോളേജിൽ നിലവിൽ ഹൈസ്കൂൾ,  പ്ലസ്-ടൂ ക്ലാസ്സുകളിൽ     വിദ്യാർത്ഥികളായിട്ടൂള്ള പതിനേഴ് കുട്ടികൾക്ക് ഈ ആനുകൂല്യം ലഭിച്ചു. ഇതിൽ ഭൂരിഭാഗം കുട്ടികളും  എസ്.സി-എസ്.ടി വിഭാഗങ്ങളില്പെടുന്നവരും കോളനി നിവാസികളും നിർദ്ധനരുമാണ്.   ന്യൂസ്റ്റാർ കോളേജ് വളപ്പിൽ ലളിതമായി സംഘടിപ്പിച്ച  പഠനോപകരണ വിതരണ ചടങ്ങിന് ന്യൂസ്റ്റാർ കോളേജിലെ  വിദ്യാർത്ഥികളും അദ്ധ്യാപകരും രക്ഷകർത്താക്കളും   അഭ്യുദയ കാംക്ഷികളൂം സാക്ഷ്യം വഹിച്ചു.