2010 നവംബര്‍ വാര്‍ത്തകള്‍

മരണം

ശശിധരൻ നായർ

തട്ടത്തുമല, നവംബർ 28: തട്ടത്തുമല നെടുമ്പാറ ശശിധരൻ നായർ മരണപ്പെട്ടു. നെടുമ്പാറ അമ്പലത്തിൽ നിൽക്കുമ്പോൾ രാത്രി ഒൻപത് മണിയോടെ ഹൃദയാഘാതം വന്ന് മരണമടയുകായായിരുന്നു. കിളിമാനൂരിൽ സ്വകാര്യാശുപത്രിയിൽ എത്തിച്ചെങ്കിലും മരണം സ്ഥിരീകരിച്ച് മൃതുദേഹം വീട്ടിലേയ്ക്ക് കൊണ്ടുവരികയായിരുന്നു. ശശിധരൻ നായർ മുമ്പ് തട്ടത്തുമല ജംഗ്ഷനിൽ ഹോട്ടൽ നടത്തിയിരുന്നു. അറുപത് വയസുണ്ടാകും. ഭാര്യ രുഗ്മിണി. മക്കൾ പ്രശാന്ത് (ഇപ്പോൾ ഗൾഫ്), രാജീവ്, പ്രിയ. ശവസംസ്കാരം നവംബർ 29 -നു രാവിലെ പത്ത് മണിയ്ക്ക്.

മരണം

പ്ലാവിളയിൽ തങ്കപ്പൻ

തട്ടത്തുമല, നവംബർ 24: തട്ടത്തുമല കൈലാസം കുന്നിൽ പ്ലാവിള വീട്ടിൽ തങ്കപ്പൻ (താടി തങ്കപ്പൻ) മരണപ്പെട്ടു. തട്ടത്തുമലയിലും പരിസരപ്രദേശങ്ങളിലും അറിയപ്പെട്ടിരുന്ന ഒരു വ്യക്തിയാണ് ശ്രീ. പ്ലാവിളയിൽ തങ്കപ്പൻ. ഏതാനും നാളുകളായി രോഗബാധിതനായി കഴിയുകയായിരുന്നു.

എസ്. രഘുനാഥൻ നായർ പഴയകുന്നുമ്മേൽ ഗ്രാ‍മപഞ്ചായത്ത് പ്രസിഡന്റ്

തട്ടത്തുമല, നവംബർ 8 : തട്ടത്തുമല ഉൾപ്പെടുന്ന പഴയകുന്നുമ്മേൽ ഗ്രാമ പഞ്ചായത്തിൽ സി. പി. ഐ. (എം) പഴയകുന്നുമ്മേൽ ലോക്കൽ കമ്മിറ്റി അംഗവും മുൻ ലേബർ ഓഫീസറും എൻ. ജി. ഒ യൂണിയൻ മുൻ നേതാവും മുൻ മുഖ്യമന്ത്രി ഇ. കെ. നായനാറുടെ പ്രൈവറ്റ് സെക്രട്ടറിമാരിൽ ഒരാളുമായിരുന്ന എസ്. രഘുനാഥൻ നായർ ആണ് പ്രസിഡന്റ്. ഇന്ന് നടന്ന പ്രസിഡന്റ് തെരഞ്ഞെടുപ്പിൽ രഘുനാഥന് പതിനൊന്ന് വോട്ടും എതിർ സ്ഥാനാർത്ഥി കോൺഗ്രസ്സിലെ എ. ഷിഹാബുദീന് അഞ്ച് വോട്ടും ലഭിച്ചു. ഒരു വോട്ട് അസാധുവായി. കോൺഗ്രസ്സ് റിബൽ സ്ഥാനാർത്ഥിയായി വിജയിച്ച അനിൽകുമാറിന്റെ വോട്ടാണ് രേഖപ്പെടുത്താതെ അസാധുവായത്. ആകെ പതിനേഴ് അംഗങ്ങളാണുള്ളത്.

പഴയകുന്നുമ്മേൽ ഗ്രാമ പഞ്ചായത്തിൽ തൊട്ടു മുമ്പത്തെ പ്രസിഡന്റ് റിട്ടയേർഡ് സർക്കാർ സ്കൂൾ അദ്ധ്യാപകനായിരുന്ന എം.നാരായണനായിരുന്നു പ്രസിഡന്റ്. അതിനുമുൻപ് റിട്ടയേർഡ് കെ. എസ്. ആർ. ടി. സി കണ്ടക്ടറും ചെക്കറും സ്റ്റേഷന്മസ്റ്ററും ഒക്കെ ആയിരുന്ന എം. മൈതീൻ കുഞ്ഞായിരുന്നു പ്രസിഡന്റ്. ഏറെക്കാലം പ്രസിഡന്റായിരുന്ന പരേതനായ കെ. എം. ജയദേവൻ മാസ്റ്റർ എയ്ഡഡ് സ്കൂൾ അദ്ധ്യാപകനായിരുന്നു. ഇപ്പോൾ വീണ്ടും ഒരു റിട്ടയേർഡ് സർക്കാർ ജീവനക്കാരൻ പ്രസിഡന്റായിരിക്കുന്നു.

പുതിയ പ്രസിഡന്റിന് പഴയ പ്രസിഡന്റിന്റെ സാരോപദേശം. പുതിയ പ്രസിഡന്റ് ജി. രഘുനാഥനും, മുൻ പ്രസിഡന്റ് എം. നാരായണനും സി.പി. ഐ.എം ഏരിയാകമ്മിറ്റി ഓഫീസിൽ.

ജനനി വൈസ് പ്രസിഡന്റ്

പഴയകുന്നുമ്മേൽ ഗ്രാമ പഞ്ചായത്ത് വൈസ് പ്രസിഡന്റായി സി.പി.ഐ.എമ്മിലെ ജനനി മോഹൻ ദാസ് തെരഞ്ഞെടുക്കപ്പെട്ടു.

കെ.ജി.പ്രിൻസ് കിളിമാനൂർ പഞ്ചാ‍യത്ത് പ്രസിഡന്റ്

തട്ടത്തുമല, നവംബർ 8 : തൊട്ടടുത്ത ഗ്രാമ പഞ്ചായത്തായ കിളിമാനൂർ പഞ്ചായത്തിൽ മുളയ്ക്കലത്തുകാവിലെ കെ.ജി.പ്രിൻസാണ് പുതിയ പ്രസിഡന്റ്. വട്ടപ്പാറ- കൈലാസം മേഖല ഉൾക്കൊള്ളൂന്ന വാർഡിൽ നിന്നാണ് പ്രിൻസ് ജയിച്ചത്. എതിർ സ്ഥാനാർത്ഥി കോൺഗ്രസിലെ ജോയി ആയിരുന്നു.

ഗൃഹപ്രവേശം

തട്ടത്തുമല, നവംബർ 7 : കോൺഗ്രസ്സ് പ്രവർത്തകനായ മറവക്കുഴി അനിൽ കുമാറിന്റെ പുതിയ വീടിന്റെ പാലുകാച്ച് ഇന്ന് നടന്നു. അവരുടെ കുടുംബവീട് ഇരുന്ന സ്ഥലത്താണ് പഴയ ആ വീട് മാറ്റി പുതിയ വീട് നിർമ്മിച്ചിരിക്കുന്നത്. ഇതിനോട് ചേർന്നാണ് അനിലിന്റെ ജ്യേഷ്ഠൻ അപ്പുസാറിന്റെ വീടും നഴ്സറിയും. ഇ.എം.എസ് ഭവന പദ്ധതിപ്രകാരം പഞ്ചായത്തിൽ നിന്നും ലഭിച്ച വീടാണ് ഇത്. ഭാര്യയും രണ്ട് കുട്ടികളും അടങ്ങുന്നതാണ് അനിൽ കുമാറിന്റെ കുടുംബം. ആറാം ക്ലാസ്സിൽ പഠിക്കുന്ന മകൾ നല്ല ഗായികയാണ്. ഒരു മകനും ഉണ്ട്.

നഷ്ടപ്പെട്ടു

തട്ടത്തുമലയിൽ ഓട്ടോ ഓടിക്കുന്ന വട്ടപ്പാറ അമ്പുവിന്റെ പതിമൂവായിരത്തില്പരം രൂപയും ഡ്രൈവിംഗ് ലൈസൻസും കഴിഞ്ഞൊരുദിവസം രാത്രി തട്ടത്തുമല ജംഗ്ഷനിൽ വച്ച് നഷ്ടപ്പെട്ടു.

സുഖമില്ലാതായി

വട്ടപ്പാറ: വട്ടപ്പാറ തേവയിൽ ജമാൽ അവർകളുടെ ഭാര്യ റഫീക്കാ ബീവി രക്തസമ്മർദ്ദം കൂടി തിരുവനന്തപുരം കിംസ് ആശുപത്രിയീൽ ചികിത്സയിലാണ്.

***************************************************

മരണം

മുസ്തഫ വൈദ്യർ മരണപ്പെട്ടു

തട്ടത്തുമല, നവംബർ 2 : തട്ടത്തുമല പെരുംകുന്നം പ്ലാവിള വീട്ടിൽ എ. മുഹമ്മദ് മുസ്തഫ (75) മരണപ്പെട്ടു. ഇന്ന് പുലർച്ചെ സ്വവസതിയിൽ വച്ചാണ് മരണം സംഭവിച്ചത്. കിളിമാനൂരിലി ഒരു സ്വകാര്യ ആശുപത്രിയിൽ എത്തിച്ച് മരണം സ്ഥിരീകരിച്ചു. ദീർഘകാലമായി ശ്വാസംമുട്ട് രോഗം ആയിരുന്നു

ജമീലാ ബീവിയാണ് ഭാര്യ.

പിതാവ് പരേതനായ അബ്ദുൽഖാദർ. മാതാവ് പരേതയായ ബീവിക്കുഞ്ഞ്.

മക്കൾ: റജിലാ ബീവി, സാജിറാ ബീവി, നസീം (മുത്തു നുജൂം), ഷജിലാ ബീഗം ( ടീച്ചർ, ഗവ. എച്ച്.എസ്.എസ് തട്ടത്തുമല), റഫീക്ക് (സൌദി), റിയാസ് (ദുബൈ).

മരുമക്കൾ: ഹാഷിം (സൌദി-ഇപ്പോൾ നാട്ടിൽ)), ജാഫർ (മരണപ്പെട്ടുപോയി), ഹാക്കിമുദീൻ (സൌദി), നസീലാ ബീഗം, ഷൈമ.

സഹോദരങ്ങൾ : എ.ഇബ്രാഹിം കുഞ്ഞ് (റിട്ടയേർഡ് ടീച്ചർ), ഷംസുദീൻ വൈദ്യർ, ജുബൈറാ ബീവി, ജലാലുദീൻ ( റിട്ടയേർഡ് ട്രഷറി ഉദ്യോസ്ഥൻ), ഷാഹിദാ ബീവി, ഷറഫുദീൻ വൈദ്യർ (ദുബായി)

മരൈച്ച മുസ്തഫയുടെ മൂത്ത പുത്രൻ നസീം വിദേശത്തായിരുന്നു. ഇപ്പോൾ നാട്ടിലുണ്ട്. ഇളയ മകൻ റിയാസ് നിലമേൽ എൻ.എസ്.എസ്. കോളേജിലെ എസ്.എഫ്.ഐ നേതാവും തട്ടത്തുമലയിൽ ഡി.വൈ.എഫ്.ഐ യൂണിറ്റ് സെക്രട്ടറിയും ആയിരുന്നു. ചെറുമകൻ ഹിജാസ് ഇപ്പോൾ ന്യൂസ്റ്റാർ കോളേജ് അദ്ധ്യാപകനും ഡി.വൈ.എഫ്.ഐ തട്ടത്തുമല യൂണിറ്റ് പ്രസിഡന്റും ആണ്

മറ്റുവിവരങ്ങൾ: തട്ടത്തുമല റിടയേർഡ് അദ്ധ്യാപകനും സാമൂഹ്യ പ്രവർത്തകനുമായ എ. ഇബ്രാഹിം കുഞ്ഞ് സാറിന്റെ നേരെ ഇളയ അനുജനാണ് മരിച്ച മുസ്തഫ. ബ്ലോഗ്ഗർ ഇ.എ.സജിം തട്ടത്തുമലയുടെ പിതൃ സഹോദരനുമാണ് (കൊച്ചുവാപ്പ) പരേതനായ മുസ്തഫ.

പരേതനായ പ്രശസ്ത വൈദ്യൻ പാപ്പാല പുളിമൂട്ടിൽ കുടുംബാംഗമായ ഇസ്മായിൽ പിള്ള വൈദ്യരുടെ അനന്തിരവനാണ് മുഹമ്മദ് മുസ്തഫ. തട്ടത്തുമലയിൽ പരേതനായ അബ്ദുൽ റഹീം (സിംഗപ്പൂർ) മരിച്ച മുഹമ്മദ് മുസ്തഫയുടെ അളിയൻ ആണ്.