എസ്.ഡി.പി.ഐ യോഗം

എസ്.ഡി.പി.ഐ യോഗം 

തട്ടത്തുമല, 2013 ജൂൺ 14: തട്ടത്തുമല ജംഗ്ഷനിൽ  എസ്.ഡി.പി.ഐ പൊതുയോഗവും അംഗത്വവിതരണവും  നടന്നു. സംസ്ഥാന വൈസ് പ്രസിഡന്റ് തുളസീധരൻ പള്ളിയ്ക്കൽ ഉദ്ഘാടനം ചെയ്തു. കടയ്ക്കൽ ജലീൽ, കരമന റസാക്ക് തുടങ്ങിയവർ സംസാരിച്ചു. കുന്നിൽ ഷാജഹാൻ അദ്ധ്യക്ഷത വഹിച്ചു. നിസാം സ്വാഗതവും ജലീൽ കൃതജ്ഞതയും പറഞ്ഞു.

കെ.മുരളീധരന്‍ ഇന്ന് തട്ടത്തുമലയില്‍ പ്രസംഗിച്ചു

കെ.മുരളീധരന്‍ ഇന്ന് തട്ടത്തുമലയില്‍ പ്രസംഗിച്ചു

തട്ടത്തുമല, 2012 ജൂലായ് 17: കോൺഗ്രസ്സ് നേതാവ് കെ.മുരളീധരൻ ഇന്ന് വൈകുന്നേരം തട്ടത്തുമല ജംഗ്ഷനിൽ സംസാരിച്ചു.  ലീഡർ സാംസ്കാരിക വേദിയുടെ  ഉദ്ഘാടനത്തിനാണ് അദ്ദേഹം തട്ടത്തുമലയിൽ  എത്തിയത്. അന്തരിച്ച മുൻ‌ മുഖ്യമന്ത്രി  ലീഡർ   കെ. കരുണാകരന്റെയും അദ്ദേഹത്തിന്റെ പുത്രനും മുൻ കെ.പി.സി.സി പ്രസിഡന്റും ഇപ്പോൾ എം.എൽ.എയുമായ  കെ. മുരളീധരന്റെയും ആരാധകർ ചേർന്ന്  തട്ടത്തുമലയിൽ രൂപീകരിച്ചതാണ്  ലീഡർ സാംസ്കാരികവേദി. വൈകുന്നേരം തട്ടത്തുമല ജംഗ്ഷനിൽ നടന്ന പൊതുസമ്മേളനത്തിൽ വച്ച് കെ.മുരളീധരൻ ലീഡർ സാംസ്കാരിക വേദിയുടെ ഔപചാരികമായ  ഉദ്ഘാടനം നിർവ്വഹിച്ചു. കോൺഗ്രസിന്റെ വിവിധ പ്രാദേശിക നേതാക്കളും യോഗത്തിൽ സംബന്ധിച്ചു.  തിരുവനന്തപുരം ജില്ലാ പഞ്ചായത്ത് പ്രസിഡന്റ് രമണി പി.നായർ, കൺസ്യൂമർ ഫെഡ് സംസ്ഥാന വൈസ് ചെയർമാൻ എൻ, സുദർശനൻ, തിരുവനന്തപുരം ഡി.സി.സി വൈസ് പ്രസിഡന്റ് നഗരൂർ ഇബ്രാഹിം കുട്ടി,  മരിയാപുരം ശ്രീകുമാർ,  എ.ഷിഹാബുദീൻ, യൂത്ത് കോൺഗ്രാസ്സ് നേതാവ്  അഡ്വ. നഗരൂർ  ഷിഹാബുദീൻ , എൻ.നളിനൻ, വാർഡ് മെംബർ അംബികാ കുമാരി, എം.റഫീക്ക്, രാജേഷ് ,  അൻസാർ തുടങ്ങിയവർ സംസാരിച്ചു. തട്ടത്തുമല ബഷീർ അദ്ധ്യക്ഷത വഹിച്ചു. എം.റഹിം സ്വാഗതവും സനൂജ്  കൃതജ്ഞതയും പറഞ്ഞു.  യോഗത്തിൽ വച്ച്  നിർദ്ധന വിദ്യാർത്ഥികൾക്ക് പഠനസഹായങ്ങൾ  വിതരണം ചെയ്തു. കഴിഞ്ഞ എസ്.എസ്,എൽ.സി , പ്ലസ് ടൂ പരീക്ഷാ വിജയികൾക്ക് സമ്മനങ്ങൾ നൽകി. കിളിമാനൂർ ക്രിക്കറ്റ് ക്ലബ്ബ കിളീമാനൂരിലും,  തട്ടത്തുമല ടി.പി.എൽ ക്രിക്കറ്റ് ക്ലബ്ബ് തട്ടത്തുമലയിലും  ഈയിടെ   നടത്തിയ ക്രിക്കറ്റ് മത്സരങ്ങളിൽ വിജയിച്ചവർക്കും സമ്മാനങ്ങൾ നൽകി. യോഗാനന്തരം തിരുവനന്തപുരം ടീമിന്റെ  ഗാനമേളയും ഉണ്ടായിരുന്നു. തട്ടത്തുമല ജംഗ്ഷനിൽ പാതയോരത്ത് വലിയ സ്റ്റേജ് കെട്ടിയാണ് പൊതുയോഗം നടത്തിയത്. 

സൌജന്യ പഠനോപകരണങ്ങൾ വിതരണം ചെയ്തു

സൌജന്യ  പഠനോപകരണങ്ങൾ വിതരണം ചെയ്തു

തട്ടത്തുമല, 2012 ജൂലൈ 2: തട്ടത്തുമല ഗവ. ഹയർ സെക്കണ്ടറി സ്കൂളിൽ (G.H.S.S Thattathumala)  നിന്നും   ന്യൂസ്റ്റാർ കോളേജിൽ പഠിക്കുന്ന  എസ്.എസി/എസ്.ടി വിഭാഗത്തിൽപ്പെട്ടവരും നിർദ്ധനരുമായ കുട്ടികൾക്ക് സൌജന്യ പഠനസാമഗ്രികൾ വിതരണം ചെയ്തു. 2012 ജൂലൈ 2 ന് രാവിലെ 8 മണിയ്ക്ക്  ന്യൂസ്റ്റാർ കോളേജിൽ നടന്ന ചടങ്ങിൽ വച്ച് എ.ഇബ്രാഹിംകുഞ്ഞ് സാർ ആണ് പഠനസാമഗ്രികളുടെ വിതരണം നിർവ്വഹിച്ചത്. യൂണിഫോം, നോട്ട് ബുക്കുകൾ, ഇൻസ്ട്രുമെന്റ് ബോക്സ് എന്നിവയുൾപ്പെടുന്ന കിറ്റുകളാണ് ഓരോ വിദ്യാർത്ഥികൾക്കും നൽകിയത്. 

ഇപ്പോൾ കാനഡയിൽ റിസർച്ച് ചെയ്യുന്ന ന്യൂസ്റ്റാർ കോളേജ് അദ്ധ്യാപകൻ സിയാദും അദ്ദേഹത്തിന്റെ കാനഡയിലുള്ള സുഹൃത്തുക്കളായ അമലാ മേരി (കാനഡ), റിയാ റാഹേൽ (ഡൽഹി), ജോമോൻ മാത്യു ( ഇസ്രായേൽ) എന്നിവരും  ചേർന്നാണ് ഈ പഠന സാമഗ്രികൾ  സ്പോൺസർ ചെയ്തത്. സാമൂഹ്യമായും സാമ്പത്തികമായും പിന്നോക്കം നിൽക്കുന്ന കുടുംബങ്ങളിൽ നിന്നുള്ള കുട്ടികൾക്ക് പഠന കര്യത്തിൽ  പ്രോത്സാഹനം നൽകുന്നതിനാണ്  സിയാദും കൂ‍ട്ടുകാരും ഈ സഹായം ഏർപ്പെടുത്തിയത്. 

ന്യൂസ്റ്റാർ കോളേജിൽ നിലവിൽ ഹൈസ്കൂൾ,  പ്ലസ്-ടൂ ക്ലാസ്സുകളിൽ     വിദ്യാർത്ഥികളായിട്ടൂള്ള പതിനേഴ് കുട്ടികൾക്ക് ഈ ആനുകൂല്യം ലഭിച്ചു. ഇതിൽ ഭൂരിഭാഗം കുട്ടികളും  എസ്.സി-എസ്.ടി വിഭാഗങ്ങളില്പെടുന്നവരും കോളനി നിവാസികളും നിർദ്ധനരുമാണ്.   ന്യൂസ്റ്റാർ കോളേജ് വളപ്പിൽ ലളിതമായി സംഘടിപ്പിച്ച  പഠനോപകരണ വിതരണ ചടങ്ങിന് ന്യൂസ്റ്റാർ കോളേജിലെ  വിദ്യാർത്ഥികളും അദ്ധ്യാപകരും രക്ഷകർത്താക്കളും   അഭ്യുദയ കാംക്ഷികളൂം സാക്ഷ്യം വഹിച്ചു. 

മെരിറ്റ് ഈവനിംഗ്

തട്ടത്തുമല ഗവ.എച്ച്.എസ്.എസിൽ മെരിറ്റ് ഈവനിംഗ്

തട്ടത്തുമല, 2012 മേയ് 15: തട്ടത്തുമല ഗവ.എച്ച്.എസ്.എസിൽ  എസ്.എസ്.എൽ.സി, പ്ലസ് ടൂ പരീക്ഷകളിൽ നേടിയ തിളക്കമാർന്ന വിജയം പൂർവ്വ വിദ്യാർത്ഥികളും നാട്ടുകാരും ആഘോഷമാക്കുന്നു. ഇക്കഴിഞ്ഞ എസ്.എസ്.എൽ.സി പരീക്ഷയിൽ കിളിമാനൂർ സബ്ജില്ലയിൽ ഏറ്റവും കൂടുതൽ വിജയശതമാനം നേടിയത് തട്ടത്തുമല ഗവ. എച്ച്.എസ്.എസ് ആണ്. പ്ല-സ് ടൂ പരീക്ഷയിലും അഭിമാനാർഹമായ വിജയം കൈവരിക്കാൻ സ്കൂളിനു കഴിഞ്ഞു. ഈ സ്കൂളിൽ പഠിക്കുന്ന ബഹുഭൂരിപക്ഷം കുട്ടികളും ദരിദ്രരും സാധാരാരണക്കാരിൽ സാധാരണക്കാരുമായ രക്ഷകർത്താക്കളുടെ മക്കളാണ്. ദരിദ്രവും ദുരിതപൂർണ്ണവുമായ മായ ജീവിതസാഹചര്യങ്ങളിൽ നിന്ന് വരുന്ന കുട്ടികൾക്ക് പരീക്ഷകളിൽ മികച്ച വിജയം നേടാൻ കഴിയുന്നത് എടുത്തു പറയേണ്ട കാര്യമാണ്. ഈ സ്കൂളിലെ കുട്ടികളുടെ പഠനനിലവാരം ഇത്തരത്തിൽ മെച്ചപ്പെടുത്തുവാനും മികച്ച വിജയം നേടുവാനും   തട്ടത്തുമല സ്കൂളിലെഅദ്ധ്യാപകരും  സമീപത്തെ ട്യൂട്ടോറിയൽ കോളേജുകളും ആത്മാർത്ഥമായി പരിശ്രമിച്ചിട്ടുണ്ട്.  ഒപ്പം രക്ഷിതാക്കളുടെ നിർലോഭമായ സഹകരണവും കുട്ടികളുടെ മിടൂക്കും  താല്പര്യവും കൂടുച്ചേർന്നപ്പോൾ സ്കൂളിന് അഭിമാനിക്കാവുന്ന വിജയം  കരസ്ഥമാക്കുവാനായി.

വിജയം ആഘോഷിക്കുന്നു

തട്ടത്തുമല സ്കൂളിനുണ്ടായ ഈ ചരിത്ര വിജയം വിദ്യാർത്ഥികളും പൂർവ്വ വിദ്യാർത്ഥികളും അദ്ധ്യാപകരും രക്ഷകർത്താക്കളും   നാട്ടുകാരും കൂടിച്ചേർന്ന്   ഒരു ആഘോഷമാക്കുവാൻ തീരുമാനിച്ചിരിക്കുകയാണ്. ഈ സ്കൂളിലെ പൂർവ്വ വിദ്യാർത്ഥികളും നാട്ടുകാരും ചേർന്ന് എസ്.എസ്.എൽ.സി, പ്ലസ്-ടൂ പരീക്ഷകളിൽ വിജയിച്ച കുട്ടികളെയും സ്കൂളിലെ അദ്ധ്യാപകരെയും അനുമോദിക്കുന്നതിനും അവർക്ക് ഉപഹാരങ്ങൾ നൽകുനതിനുമായി മെരിറ്റ് ഈവനിംഗ് സംഘടിപ്പിക്കുന്നു. 2012 മേയ് 21 തിങ്കളാഴ്ച ഉച്ചയ്ക്ക് ശേഷം സ്കൂൾ അങ്കണത്തിൽ നടക്കുന്ന ഈ ആഘോഷ പരിപാടികൾ ബി.സത്യൻ എം.എൽ.എ ഉദ്ഘാടനം ചെയ്യും. തിരുവനന്തപുരം ജില്ലാ പഞ്ചായത്ത് പ്രസിഡന്റ് രമണി പി. നായർ അദ്ധ്യക്ഷത വഹിക്കും. ജില്ലാ പഞ്ചായത്ത് അംഗം കെ.രാജേന്ദ്രൻ, കിളീമാനൂർ ബ്ലോക്ക് പഞ്ചായത്ത് പ്രസിഡന്റ് അഡ്വ. താജുദീൻ അഹമ്മദ്, പഴയകുന്നുമ്മേൽ ഗ്രാമ പഞ്ചായത്ത് പ്രസിഡന്റ് ജി.രഘുനാഥൻ തുടങ്ങിയ ജനപ്രതിനിധികളും വിവിധ രാഷ്ട്രീയ-സാമൂഹ്യ -സാംസ്കാരിക പ്രതിനിധികളും ചടങ്ങിൽ പങ്കെടുത്ത് ആശംസകൾ അർപ്പിക്കും.

നാട്ടുകാരുടെ നിർലോഭമായ സഹകരണം

തട്ടത്തുമല സ്കൂൾ നേടിയ സമുജ്ജ്വല വിജയം ആഘോഷിക്കുന്നതിനും കുട്ടികൾക്കും അദ്ധ്യാപകർക്കും സമ്മാനങ്ങളും ഉപഹാരങ്ങളും നൽകുന്നതിനും നാട്ടിലെ നിരവധി വ്യക്തികളും സ്ഥാപനങ്ങളും നിർലോഭമായ സഹകരണം നൽകി. പരിപാടിയുടെ മൊത്തം സംഘാടനത്തിനായി അകമഴിഞ്ഞ സാമ്പത്തിക സഹായമാണ് വിവിധ വ്യക്തികളും സ്ഥാപനങ്ങളും നൽകിയിട്ടുള്ളത്.  സ്കൂളിനെ നിലനിർത്തുന്നതിനും സംരക്ഷിക്കുന്നതിനും വേണ്ടി സ്കൂൾ വികസന സമിതി നടത്തുന്ന തുടർ പ്രവർത്തനങ്ങൾക്കും എല്ലാവിധ സഹായ സഹകരണങ്ങളും പ്രവാസികളടക്കമുള്ള  പൂർവ വിദ്യാർത്ഥികളും നാട്ടുകാരും വാഗ്ദാനം ചെയ്തിട്ടുണ്ട്. സ്കൂളിന്റെ സർവ്വതോന്മുഖമായ വികസനത്തിനും  പുരോഗതിയ്ക്കും അനിവാര്യമായ  ഫലപ്രദമായ ജനകീയ ഇടപെടൽ സാദ്ധ്യമാക്കുന്നതിന് പൂർവ്വ  വിദ്യാർത്ഥികളും നാട്ടുകാരും അഭ്യുദയകാംക്ഷികളും ചേർന്നുള്ള  കൂട്ടായ്മയായ തട്ടത്തുമല  സ്കൂൾ വികസന സമിതി (SDCT)നടത്തുന്ന തുടർ പ്രവർത്തനങ്ങൾക്ക് എല്ലാവരിൽ നിന്നും   എല്ലാവിധ സഹായവും  സഹകരണവും പ്രതീക്ഷിക്കുന്നു.

(മേയ് ഇരുപത്തിയൊന്നാം തീയതിയിലെ മെരിറ്റ് ഈവനിംഗിനും തുടർന്ന് സ്കൂൾ വികസനത്തിനും വികസന സമിതി പ്രവർത്തകർ മുഖാന്തരം സാമ്പതിക സഹായം നൽകിയവരുടെയും ഇനി നൽകുന്നവരുടെയും  പേരുവിവരം തുടർന്ന് പ്രസിദ്ധീകരിക്കുന്നതായിരിക്കും)

തട്ടത്തുമലയിൽ ക്രിക്കറ്റ് മാച്ച്

തട്ടത്തുമലയിൽ ക്രിക്കറ്റ് പരമ്പരയും കലാ-സാംസ്കാരിക പരിപാടികളും

തട്ടത്തുമല ക്രിക്കറ്റ് മാച്ച് (റ്റി.പി.എൽ) ഇത്തവണയും ഗംഭീരമായി നടത്തുന്നതിനുള്ള ആലോചനായോഗം 2012 മാർച്ച് 14 ന് വൈകുന്നേരം കെ.എം ലൈബ്രറി ഹാളിൽ നടന്നു. എം.ആർ.അഭിലാഷ്, ജി.ജയശങ്കർ, റഹിം ആലുമ്മൂട്, ജെ.വിനു തുടങ്ങിയവർ സംസാരിച്ചു. പരിപടിയുടെ പ്രാഥമിക പ്രവർത്തനങ്ങൾ ആരംഭിച്ചു കഴിഞ്ഞു. തട്ടത്തുമല കെ. എം.ലൈബ്രറിയും പ്രീമിയർ ലീഗും സംയുക്തമായി സംഘടിപ്പിച്ചു വരുന്ന പ്രസ്തുത പരിപാടി ഇത്തവണയും തട്ടത്തുമലയുടെ സാംസ്കാരിക ഉത്സവമായി മാറും. കഴിഞ്ഞ വർഷം യു.എ.ഇ യിലെ തട്ടത്തുമലക്കാരായ പ്രവാസീ മലയാളികളുടെ കൂടി സഹകരണത്തിൽ നടന്ന പരിപാടി വൻ വിജയമായിരുന്നു.

കഴിഞ്ഞ വർഷത്തെ പരിപാടികൾക്കു ശേഷം ബാക്കിവന്ന തുകകൊണ്ട് വാങ്ങിയ കളിസാധനങ്ങളുടെ ഉദ്ഘാടനം ഇക്കഴിഞ്ഞ തിങ്കളാഴച ചിറയിൻ‌കീഴ് താലൂക്ക് ലൈബ്രറി കൌൺസിൽ അംഗം ഇ.എ.സജിം പ്രീമിയർ ലീഗ് സെക്രട്ടറി ജി.ജയശങ്കറിനു നൽകി നിർവ്വഹിച്ചിരുന്നു. ഇത്തവണയും ക്രിക്കറ്റ് പരമ്പരയ്ക്ക് സമാപനം കുറിച്ചുകൊണ്ട് വമ്പിച്ച സാംസ്കാരിക സമ്മേളനവും കവിയരങ്ങും നാടൻ കലാമേളകൾ ഉൾപ്പെടെ വിവിധ കലാ പരിപാടികളും നടക്കും. പ്രശസ്ത വ്യക്തികൾ സമാപന യോഗത്തിൽ പങ്കെടുക്കും. ഏവരുടെയും സഹായസഹകരണവും കഴിയുന്നത്ര ജനസാന്നിദ്ധ്യവും ഇത്തവണയും പ്രതീക്ഷിക്കുന്നു.