എസ്. രഘുനാഥൻ നായർ പഴയകുന്നുമ്മേൽ ഗ്രാമപഞ്ചായത്ത് പ്രസിഡന്റ്

എസ്. രഘുനാഥൻ നായർ പഴയകുന്നുമ്മേൽ ഗ്രാമപഞ്ചായത്ത് പ്രസിഡന്റ്

തട്ടത്തുമല, നവംബർ 8 : തട്ടത്തുമല ഉൾപ്പെടുന്ന പഴയകുന്നുമ്മേൽ ഗ്രാമ പഞ്ചായത്തിൽ സി. പി. ഐ. (എം) പഴയകുന്നുമ്മേൽ ലോക്കൽ കമ്മിറ്റി അംഗവും മുൻ ലേബർ ഓഫീസറും എൻ. ജി. ഒ യൂണിയൻ മുൻ നേതാവും മുൻ മുഖ്യമന്ത്രി ഇ. കെ. നായനാറുടെ പ്രൈവറ്റ് സെക്രട്ടറിമാരിൽ ഒരാളുമായിരുന്ന എസ്. രഘുനാഥൻ നായർ ആണ് പ്രസിഡന്റ്. ഇന്ന് നടന്ന പ്രസിഡന്റ് തെരഞ്ഞെടുപ്പിൽ രഘുനാഥന് പതിനൊന്ന് വോട്ടും എതിർ സ്ഥാനാർത്ഥി കോൺഗ്രസ്സിലെ എ. ഷിഹാബുദീന് അഞ്ച് വോട്ടും ലഭിച്ചു. ഒരു വോട്ട് അസാധുവായി. കോൺഗ്രസ്സ് റിബൽ സ്ഥാനാർത്ഥിയായി വിജയിച്ച അനിൽകുമാറിന്റെ വോട്ടാണ് രേഖപ്പെടുത്താതെ അസാധുവായത്. ആകെ പതിനേഴ് അംഗങ്ങളാണുള്ളത്.

പുതിയ പ്രസിഡന്റിന് പഴയ പ്രസിഡന്റിന്റെ സാരോപദേശം. പുതിയ പ്രസിഡന്റ് ജി. രഘുനാഥനും, മുൻ പ്രസിഡന്റ് എം. നാരായണനും സി.പി. ഐ.എം ഏരിയാകമ്മിറ്റി ഓഫീസിൽ.

തൊട്ടു മുമ്പത്തെ പ്രസിഡന്റ് റിട്ടയേർഡ് സർക്കാർ സ്കൂൾ അദ്ധ്യാപകനായിരുന്ന എം.നാരായണനായിരുന്നു പ്രസിഡന്റ്. അതിനുമുൻപ് റിട്ടയേർഡ് കെ.എസ്.ആർ.ടി സി കണ്ടക്ടറും ചെക്കറും സ്റ്റേഷന്മസ്റ്ററും ഒക്കെ ആയിരുന്ന എം. മൈതീൻ കുഞ്ഞായിരുന്നു പ്രസിഡന്റ്. ഏറെക്കാലം പ്രസിഡന്റായിരുന്ന പരേതനായ കെ.എം. ജയദേവൻ മാസ്റ്റർ എയ്ഡഡ് സ്കൂൾ അദ്ധ്യാപകനായിരുന്നു.

ജനനി വൈസ് പ്രസിഡന്റ്

പഴയകുന്നുമ്മേൽ ഗ്രാമ പഞ്ചായത്ത് വൈസ് പ്രസിഡന്റായി സി.പി.ഐ.എമ്മിലെ ജനനി മോഹൻ ദാസ് തെരഞ്ഞെടുക്കപ്പെട്ടു.